Новости

Бүген, 23 нче сентябрьдә, Кәрим Тинчурин исемендәге Татар дәүләт драма һәм комедия театры хезмәткәре ГАЙНУЛЛИНА САНИЯ БӘЙРӘМХАН кызының туган көне! Хөрмәтле Сания Бәйрәмхановна! Сезне чын күңелдән туган көнегез белән кайнар котлыйбыз! Гаиләгезнең, якыннарыгызның күңел җылысын тоеп, озын-озак яшәвегезне, барлык хыялларыгызның тормышка ашуын телибез!

13-19 нчы сентябрьдә Мәскәүдә РФ Театр әһелләре берлеге оештырган “Артмиграция” – яшь режиссерлар фестивале узды. Анда Россиянең алдынгы театр һәм хореография осталары Михаил Николаевич Чумаченко, Татьяна Чижикова кебек педагоглар тренинглар, мастер класслар үткәрде. Һөнәри осталыкны арттырырга ярдәм итүче әлеге фестивальдә Татарстанның атказанган артисты Ирек Хафизов та катнашты.

Заман драматургларыбыз әсәрләрен пропагандалау һәм халыкка җиткерү максатыннан уздырылучы Кәрим Тинчурин исемендәге Х Халыкара заман милли драматургия театр фестиваленең бишенче көне дә бары уңай тәэсирләр генә калдырды.

Кәрим Тинчурин исемендәге Х Халыкара заман милли драматургия театр фестивале төрле мәйданнарда үтте. “МОÑ” театр мәйданчыгы исә Динә Сафина һәм Ксения Шачневаның “Чын татар” спектаклен күрсәтте. Миллилек һәм милли үзенчәлек мәсьәләләренә кагылышлы күпсанлы сорауларга җавап эзләүче «Чын татар» проекты катнашучыларының иҗатын тамашачылар яратып кабул итте.

15-20 нче сентябрь Тинчурин театрында, Туган телләр һәм Халыклар бердәмлеге елы уңаеннан, чираттагы театр фестивале үткәрелде! (“Яңалыклар”, 20.09.2021)  

Кәрим Тинчурин исемендәге Х Халыкара заман милли драматургия театр фестиваленең дүртенче көне дә искиткеч булды.

Кәрим Тинчурин исемендәге театр фестивале кысаларында А.Гыйләҗев исемендәге Чаллы татар дәүләт драма театры, Шамил Идиатуллинның (О.Кинҗәгулов инсценировкасы) “Шәһәр.Нокта.Брежнев” драмасын тәкъдим итте. Үз укучысын күптән тапкан әсәр буенча куелган әлеге спектакль тамашачылар һәм белгечләр тарафыннан югары бәяләнде.  

Бүген, 21 нче сентябрьдә, Татарстанның атказанган артисткасы ГАЙНУЛЛИНА ГҮЗӘЛ ХӨСӘЕН кызының туган көне!!! Хөрмәтле Гүзәл Хөсәеновна, Сезне гомер бәйрәмегез белән чын күңелдән котлыйбыз! Сезгә исәнлек-саулык, бәхет, иҗади уңышлар, озак еллар дәвамында театр сөючеләрне куандырып яшәвегезне телибез!

Кәрим Тинчурин исемендәге Х Халыкара заман милли драматургия театр фестивале төрле мәйданнарда спектакльләр тәкъдим итә. Түбән Новгородтан килгән “Granart” иҗат остаханәсе исә “Мәскәү сөйли” дип аталган монодрамасын Татарстанның театр әһелләре берлеге бинасында күрсәтте. Спектакль тамашачыларда һәм театр белгечләрендә уңай фикер калдырды.  

17 нче сентябрь, 14.00 сәгатьтә, Кәрим Тинчурин театры музеенда Фестивальгә бәйле тематик очрашулар драматург, сценарийлар авторы һәм Татарстанның атказанган сәнгать эшлеклесе Мансур Гыйләҗев белән дәвам итте. “Деревенские пьесы городского автора” дип исемләнгән темага кызыклы сөйләшү барышында ул драматургиягә килүе һәм пьесалар язганда үзе кулланган формулалар турында сөйләде.