Яңалыклар

“Әсәр. Тамашачы. Сәхнә”

Карим Тинчурин: “Әсәр. Тамашачы. Сәхнә” 4 нче февраль, 16.00 сәгатьтә, Тинчурин театры музеенда “Әсәр. Тамашачы. Сәхнә” проекты кысаларында Хәбир Ибраһимның “Фидан+Зөһрә” әсәре күмәк укылды. “Читка”да театр тәнкыйтьчеләре, театр белгечләре, журналистлар, театрыбызның күренекле артистлары һәм тамашачылар катнашты. Соңыннан, автор катнашында, укылган әсәр буенча фикер алышу булды.

Тинчурин театрында Хәбир Ибраһим әсәре укылгач актерлар белән тамашачы фикере бүленде (“Татар-информ”, автор – Рузилә Мөхәммәтова)

Тинчурин театрының тамашачыны заманча татар драматургиясе белән таныштыра торган «Әсәр. Тамашачы. Сәхнә» проекты эшли. Тинчурин театрының «Әсәр. Тамашачы. Сәхнә» проекты кысаларында драматург Хәбир Ибраһимның «Фидан+Зөһрә» пьесасы укылгач, тыңлаучыларның фикере икегә аерылды. Тинчурин театры музеенда уздырыла торган традицион ачык пьесалар уку кичәсенә артистлар белән белән бергә тамашачы да яратып йөри. Укуларга театр һәм әдәбият тәнкыйтьчеләре дә чакырыла….

Өстәмә спектакль!!!

Өстәмә спектакль!!! Хөрмәтле тамашачыларыбыз! 21, 22 нче февраль көннәрендә булачак “Утка очкан күбәләктәй…” спектакленең премьерасына билетлар сатылып бетте. Күпсанлы тамашачыларыбыз соравы буенча әлеге спектакль 22 нче февраль, 12.00 сәгатьтә, өстәмә рәвештә уйнала. Билетлар алып калырга ашыгыгыз!

Юбилей уңаеннан…

Юбилей уңаеннан… 3 нче февральдә Татарстанның атказанган артисткасы Илсөяр Сафиуллина үзенең юбилеен билгеләп үтте. Шул уңайдан, Тинчурин театры музеенда озак еллар театрыбызда эшләгән, кабатланмас уены белән тамашачылар күңелен яулаган артисткабызның иҗатына багышланган күркәм чара узды. Әлеге чарада музей мөдире Татарстанның атказанган мәдәният хезмәткәре Розалия Чабатова тамашачыларны Илсөяр Миңнур кызының иҗатындагы мөһим вакыйгалар белән таныштырды.

Премьера

Премьерага әзерлек!.. “Мәхәббәтсез гомер, кояшсыз көн: җаныңда да караңгы, өеңдә дә караңгы… Ә син яшә, җылыга тилмереп яшә…” “Утка очкан күбәләктәй…” 21, 22 февраль, 17.00 сәгатьтә ПРЕМЬЕРА

Вакансия

ИГЪТИБАР! ВАКАНСИЯ! Кәрим Тинчурин исемендәге Татар дәүләт драма һәм комедия театры Энергетика цехы җитәкчесе һәм Энергетика цехы җитәкчесе урынбасары вазыйфаларына эшкә чакыра. Тулырак мәгълүмат өчен телефон: 236-87-27. Рәхим итегез!

КОТЛЫЙБЫЗ!

Бүген, 4 нче февральдә, Татарстанның халык артисткасы МИНХАНОВА СӘКИНӘ ГАБДРАХМАН кызының туган көне!!! Хөрмәтле Сәкинә Габдрахмановна, Сезне гомер бәйрәмегез белән чын күңелдән котлыйбыз! Сезгә исәнлек-саулык, бәхет, иҗади уңышлар, озак еллар дәвамында театр сөючеләрне куандырып яшәвегезне телибез!

Мәдәният, сәнгать һәм кинематография өлкәсендә Татарстан Республикасы Президенты грантларын бирү турында Указга кул куелган

Быел Татарстан Президенты грантлары алучы мәдәният учреждениеләре исемлегенә Тинчурин театры да кергән. Мәдәният, сәнгать һәм кинематография өлкәсендә Татарстан Республикасы Президенты грантларын гамәлгә кую турындагы Указга 27 гыйнварда кул куелган. Грантлар өчен ел саен Татарстан Республикасы бюджетыннан бүлеп биреләчәк акчаның гомуми суммасы 349 358, 4 мең сум, диелгән Указда. Грантларны бүлеп бирү ТР Министрлар Кабинетына йөкләнгән. Мәдәният, сәнгать һәм кинематография…

“Төн яна учакта”

3 нче февральдә, Кәрим Тинчурин исемендәге Татар дәүләт драма һәм комедия театрының рәсми YouTube каналында Х.Ибраһим әсәре буенча куелган “Төн яна учакта” мелодрамасының видеоязмасы трансляцияләнә. Әлеге архив спектакле Татарстанның атказанган артисткасы Илсөяр Сафиуллинаның юбилее уңаеннан күрсәтелә. Биредә Сез яраткан артисткабызны Зәйнәп ролендә күрерсез!

Котлыйбыз!

Бүген, 3 нче февраль, Татарстанның атказанган артисткасы САФИУЛЛИНА ИЛСӨЯР МИҢНУР кызының туган көне! Хөрмәтле Илсөяр Миңнуровна! Сезне чын күңелдән юбилеегыз белән кайнар котлыйбыз! Якыннарыгызның күңел җылысын тоеп, озын-озак яшәвегезне, барлык хыялларыгызның тормышка ашуын телибез!