Яңалыклар

Кәрим Тинчурин исемендәге театр фестивале: “Микулай”!

Хөрмәтле тамашачылар! 19 нчы сентябрь, 16.00 сәгатьтә, Г.Кариев исемендәге Казан татар дәүләт яшь тамашачы театры үз бинасында, Кәрим Тинчурин исемендәге Х Халыкара заман милли драматургия театр фестивале кысаларында, Мансур Гыйләҗевның “Микулай” спектаклен тәкъдим итә. Режиссеры – Ренат Әюпов. Яшь чикләве – 12+ Спектакльдә Сарсаз Күл авылында япа-ялгыз гомер кичерүче керәшен агаеның бер җәйге иртәдән башлап,…

Котлыйбыз!

Бүген, 12 нче сентябрьдә, Татарстанның атказанган артисткасы МӘХМҮТОВА ЛИЛИЯ ХӘЛИЛ кызының туган көне!!! Хөрмәтле Лилия Хәлиловна, Сезне чын күңелдән гомер бәйрәмегез белән котлыйбыз! Сезгә исәнлек-саулык, бәхет, иҗади уңышлар, яңадан-яңа рольләр, озак еллар дәвамында театр сөючеләрне куандырып яшәвегезне телибез!

Һаҗәр Шәкүрова каберенә таш ачылды!

Кичә Казанның Самосырово янындагы мөселман зиратында татар театры тарихында якты эз калдырган Татарстанның халык артисткасы Һаҗәр Шәкүрова каберенә таш куелды. Чарада күренекле артисткабызны хезмәттәшләре искә алды, аның рухына бергәләп дога кылды, каберенә чәчәкләр салды.    

“Татарча диктант ЯЗ”

Бүген ТР Театр әһелләре берлегендә татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү максатыннан тормышка ашырылган “Татарча диктант ЯЗ” проекты узды. Республика театры артистлары белән бергә, театрыбызның гүзәл талантлары – Резедә Сәләхова, Диләрә Фәттахова һәм Ландыш Ибәтуллиналар да диктант язды.

Котлыйбыз!

Бүген Татарстан Республикасы Мәдәният министры Ирада Әюпова коллективка театрыбызның баш режиссеры итеп Туфан Имаметдиновны тәкъдим итте! Туфан Риф улын яңа вазыйфасы белән чын күңелдән котлыйбыз һәм иҗат уңышлары телибез!

Исламия Мәхмүтова каберенә таш куелды!

Бүген Казанның Самосырово янындагы мөселман зиратында бар гомерен татар театрына багышлаган Россиянең атказанган, Татарстанның халык артисткасы Исламия Мәхмүтова каберенә таш ачылды. Чарада мәшһүр артисткабызны Тинчурин театры коллективы, кызлары, туганнары, якыннары, шулай ук республиканың башка театрлары вәкилләре, журналистлар катнашты. Исламия ханым рухына Коръән аятьләре укылды. Хезмәттәшләре, дуслары, якташлары легендар артистка турындагы хатирәләре белән уртаклашты, каберенә чәчәкләр…

Фәнис Мөсәгыйтов “Татарстан радиосы”нда кунакта!

Татарстанның атказанган мәдәният хезмәткәре, К.Тинчурин исемендәге Татар дәүләт драма һәм комедия театры директоры Фәнис Мөсәгыйтов “Татарстан дулкынында” тапшыруында тиздән булачак “К.Тинчурин исемендәге X Халыкара заман милли драматургия театр фестивале” турында сөйләде. Дуслар! Тапшыруны 11 нче сентябрь, 13:40 сәгатьтә, тыңларга онытмагыз! (Казан 99,2 FM). Тапшыруны шулай ук интернет аша онлайн тыңларга да мөмкин!

Кәрим Тинчурин исемендәге театр фестивале: “Сагынырсызмы?”

Хөрмәтле тамашачылар! 18 нче сентябрь, 18.00 сәгатьтә, Г.Камал исемендәге Татар дәүләт Академия театры үз бинасында, Кәрим Тинчурин исемендәге Х Халыкара заман милли драматургия театр фестивале кысаларында, Артур Шәйдулланың “Сагынырсызмы?” спектаклен тәкъдим итә. Режиссеры – Фәрит Бикчәнтәев. Яшь чикләве – 16+ Спектакльдә Вакыйга коточкыч давыл вакытында бара. Иске автовокзал бинасына халык җыелган: яше дә, карты да,…

Тинчурин театрында тематик очрашулар!

Белүегезчә, тиздән Кәрим Тинчурин исемендәге Х Халыкара заман милли драматургия театр фестивале башланачак. Биредә төрле театр коллективлары үз спектакльләрен тәкъдим итәчәк, шул ук вакытта танылган бүгенге заман драматурглары һәм театр тәнкыйтьчеләре белән тематик очрашулар да үткәреләчәк. Кадерле дуслар! Сезне фестиваль спектакльләренә һәм эчтәлекле очрашуларга чакырып калабыз!!!

Шәмсия Җиһангирова “Сыналган дусларыма”. Укый – Зөфәр Харисов!

Тинчурин театры дусларыбыз @nefis_gk белән берлектә Туган телләр һәм Халыклар бердәмлеге елы уңаеннан тормышка ашырылган үзенчәлекле проекты дәвам итә. Әлеге әдәби проект кысаларында Россиянең атказанган, Татарстанның халык артисты Зөфәр Харисов күренекле шагыйрә Шәмсия Җиһангированың “Сыналган дусларыма” шигырен укый. Милли гореф-гадәтләребезне, мәдәниятебез һәм телебезне бергәләп саклыйк!!!