Соңгы әсәр

Дөньяда барлык бәлаләрдән дә коткара алырлык көч бар. Ул – мәхәббәт!

Илдә хәтәр тарихи вакыйгалар барган көннәрдә яшь талантлы язучы Сөйләман Тимербаев бер чибәр кызга гашыйк була. Әмма сөю утында янган егет бер мизгелдә барысыннан – эшеннән, торагыннан, паспортыннан, акчасыннан, дусларыннан мәхрүм кала. Тормышының фаҗигале көннәрендә, ул ярдәм өмет иткән кешеләр аны сата, ә бөтенләй чит-ят булганнар исә ярдәм кулы суза. Егет берничә тапкыр үлем белән күзгә-күз очраша, әмма соңгы мизгелдә аны МӘХӘББӘТ коткарып кала!

Бөек драматург Кәрим Тинчуринның әлеге җанлы һәм мавыктыргыч әсәре очраклы рәвештә генә сакланып калган.

Спектакльнең премьерасы 2017 елның 15 сентябрендә булды.