5 мартта журналистлар һәм блогерлар өчен күчмә пресс-конференция узды.
Чара Бәшир Рәмиев исемендәге IT-паркта, Казан дәүләт мәдәният институтының Медиаконтент үзәгендә оештырылды. Пресс-конференция 19 һәм 20 мартта узачак «Флешка, рэп һәм мәхәббәт» премьерасына багышланды.
Катнашучылар иң элек Медиаконтент үзәгенең видеостудиясе, тавыш яздыру студиясе белән танышты. Хәтта тавыш яздыру процессының ничек барганын үз күзләре белән күрде.
Пресс-конференция спикерлары, нәкъ тавыш яздыргандагы кебек, колакчыннар киеп, пыяла диварның икенче ягында утырды.
Сорауларга театр директоры Фәнис Мөсәгыйтов, театрның баш режиссеры Туфан Имаметдинов, актриса Гүзәл Галиуллина, Ittifaq беренче татар рэп төркеменә нигез салучы Ильяс Гафаров җавап бирде.
Пресс-конференция вакытында Ittifaq төркеменең «Флешка, рэп һәм мәхәббәт» премьерасыннан соң чыгачак альбомының презентациясе дә узды.
