22 май 13:00дә театрыбыз сәхнәсендә Айгөл Әхмәтгалиева пьесасы буенча куелган «Күз нурларым» спектакле күрсәтеләчәк. Аның үзенчәлеге шунда: спектакльне Казан шәһәренең Шиһабетдин Мәрҗани исемендәге 2 нче татар гимназиясе куячак. Режиссерлары: «РУХ» театр төркеме җитәкчесе Тәнзилә Камалова һәм театрыбыз артисты Диләрә Фәттахова.
Рольләрне башкаралар:
Хатын – Азалия Шәрипова
Ир – Рифнур Нәҗмиев
Ана – Эльвина Яруллина, Иркә Мингалиева
Кыз – Мәликә Нигъмәтуллина, Диләрә Шәрипова
Егет – Айзат Хөснуллин, Әмир Таһиров
Дус – Фәрһат Садыйков, Фазыл Шәрипов
Ханым – Азалия Зарипова
Исегезгә төшерәбез, 2 нче гимназия укучылары театрыбызда уздырылган гаилә һәм мәктәп театрларының «Гаилә тарихы», «Театрның яше юк» I Республика фестиваль-конкурсының җиңүчеләре булдылар. Шул сәбәпле, аларны безнең театр шефлыкка алды.
Проект Татарстан Мәдәният министрлыгының «Балалар — балаларга» проекты кысаларында тормышка ашырыла.
