13 февральдә Тинчурин театрында яшьләр өчен «Театраль квиз» узды. Интеллектуаль уен театрыбызның 90 еллык юбилеена багышланды.
Катнашучылар Тинчурин театры белән бәйле кызыклы 5 раундның сорауларына җавап эзләде.
Уенны Татарстанның атказанган артисты Ирек Хафизов һәм театрыбызның талантлы артисты Эдуард Никитин бәяләде. Чараны театрыбыз артисты Лилия Камалиева һәм Гөлназ Гыймадиева алып барды.
Квизда Казан (Идел буе) федераль университеты, Казан дәүләт аграр университеты студентлары, театрыбыз волонтерлары «ВолонТин» һәм театрыбыз оркестры ярышты.
Җиңүчеләргә Тинчурин театры һәм партнерларыбыз – «Форсаж» картинг үзәге һәм «Хәзинә» милли сәнгать галереясеннән шәп бүләкләр тапшырылды. Киләсе уен март аенда узачак.
