Әлеге кичәдә оркестр барлык музыка дөньясын колачлады.
Концертка килгән тамашачы дәртле испан көйләрен, Италиянең данлы операсын, кардәшләребез башкортларның моңын һәм гүзәл туган ягыбызның милли көйләрен таң калып тыңлады.
Юбилей концерты кызыклы номерлар, моңлы һәм дәртле көйләр, 100% тере тавыш белән үрелеп барды. Әлеге кичә әле озак вакыт тамашачылар күңелен иркәләп, йөрәкләрен җылытып торыр.
Искәртеп узыйк, хәзерге вакытта театр оркестрын композитор, музыкант, дирижер Ильяс Камал җитәкли.
