Бүген, 13 декабрьдә, театрыбызда Дөньякүләм XXV #Әдәбимарафон проектының финалистларын бүләкләү чарасы узды.
Тантанада Татарстан Рәисе каршындагы Татар телен һәм Татарстан Республикасында яшәүче халык вәкилләренең туган телләрен саклау, үстерү мәсьәләләре комиссиясе әгъзасы Камил Ногаев,
Татарстан Язучылар берлеге рәисе Ркаил Зәйдулла, Бөтендөнья татар конгрессының Казан бүлеге җитәкчесе Фәрит Мифтахов, Татарстан Мәдәният министрлыгының массакүләм мәгълүмат чаралары һәм иҗтимагый оешмалар белән элемтә бүлеге башлыгы Айрат Фәйзрахманов, Татарстан Мәгариф һәм фән министрлыгының милли мәгариф бүлеге җитәкчесе Энҗе Гыйззәтуллина, «Ак калфак» татар хатын-кызлары республика иҗтимагый оешмасы җитәкчесе Кадрия Идрисова, шулай ук олпат язучылар, шагыйрьләр һәм драматурглар катнашты.
Марафончылар өчен китап күргәзмәсе оештырылды. Шулай ук чарадан соң фойеда театрыбыз артистлары чыгышы булды, аннары музей буенча эксурсия оештырылды, ә кичен финалистлар «Хыялый» спектаклен карый алды.
«Пушкин картасы» белән спектакль караган балаларның театрыбыз үткәргән бүләк уйнатуда смартфон оту мөмкинлеге булды. Бәйге дәвам итә, мәгълүмат монда.
Фото: Татар-информ
