Чара «Музыкаль тарих битләреннән» дигән экскурсия белән башланды. Аны театрыбызның әдәби бүлек мөдире Гөлназ Бәдретдин үткәрде. Пресс-тур катнашучылары Салих Сәйдәшев иҗат иткән кабинетның, Тинчурин театрын С.Сәйдәшев музее белән тоташтыра торган коридорның кайда икәнен күрде, театр бинасын музыкаль яктан ачты, музыкаль спектакльләр турында белде, Кәрим Тинчуринның тормышы һәм иҗаты белән танышты, интерактив видеоролик карады.
Катнашучылар тамашачылар залында оркестр чокырын үз күзләре белән күрде. Оркестрның тарихы һәм бүгенге эшчәнлеге турында театр оркестрының сәнгать җитәкчесе һәм баш дирижеры Ильяс Камал таныштырды.
Журналистлар һәм блогерлар оркестрының 35-еллык юбилеена багышланган концертның ачык репетициясендә булды. Биредә аларга «Наемщик» музыкаль драмасыннан «Балет», «Сакай» маршы тәкъдим ителде. Театрыбыз артисты Илнур Байназаров оркестрга кушылып «Без кабызган утлар» җырын башкарды. Соңыннан Ильяс Камалга пресс-подход узды.
Барлык тамашачыларны 28 февральдә 18:30да узачак «К.Тинчурин театры оркестрына – 35 яшь!» дип исемләнгән юбилей концертында көтеп калабыз!
