Габдулла Тукайның туган көне хөрмәтенә театр музеенда Розалия Чабатова җитәкчелегендә “И туган тел, и матур тел” дип исемләнгән викторина оештырылды. Викторина вакытында тамашачылар Тукайга багышланган сорауларга җавап биреп кенә калмыйча, аның шигырьләрен дә сөйләде. Аеруча зур тырышлык күрсәткән тамашачыларга бүләкләр бирелде.
Музей җитәкчесе Розалия Чабатова сүзләренчә, викторина тамашачылар арасында зур кызыксыну уятты. Тамашачылар Тукай шигырьләрен яттан укулары, аның иҗатын, тормыш юлын белүләре белән дә аерылып торган.
К.Тинчурин театры матбугат үзәге
