10 март 16.30да театрыбыз музеенда Хәлил Мәхмүтовның тормышы һәм иҗатына багышланган күргәзмә оештырылачак. «Яратам! Бетте- китте!» спектакле алдыннан Хәлил аганы хезмәттәшләре һәм якыннары искә алачак.
Хәлил Мәхмүтовның иҗат юлы 1966 елда, Казан театр училищесын тәмамлаганнан соң, Татар дәүләт республика күчмә театрында башлана. Елдан-ел аның иҗади диапазоны киңәя, ул романтик, шулай ук кискен характерлы һәм фаҗигале образларны уңышлы башкара. Театрыбызда Хәлил Мәхмүтов 1966 елдан алып 2012 елга кадәр эшли.
