Пассажирларны Кыш бабай котлады һәм бүләкләр өләште.
28 декабрьдә «К.Тинчурин исемендәге театр» тукталышында беренче тапкыр Яңа ел бизәлеше пәйда булды. Пассажир транспортын көтү урынын чын чыршылар, гирляндалар, плакат белән бизәделәр.
Шәһәрлеләрне Кыш бабай якынлашып килгән Яңа ел белән котлады, мандариннар өләште һәм Тинчурин театры афишасын һәм спектакльләргә чакыру билетларын бүләк итте.
Әлеге бәйрәм акциясе К.Тинчурин исемендәге Татар дәүләт драма һәм комедия театры һәм Казан шәһәренең Вахитов һәм Идел буе районнары администрациясе белән берлектә оештырылды. Исегезгә төшерәбез, 2023 елда Тинчурин театры оешуга 90 ел тулды.
