Казанның Үзәк китапханәсендә Тинчурин театры актрисасы, Татарстанның халык артисты Миләүшә Нәҗмиева Казан медицина университеты студентлары белән очрашты.
Очрашуда актриса студентларны үзенең иҗат юлы белән таныштырды, аларга туган Тинчурин театрына хезмәт итүе, актерлык осталыгы һәм бу һөнәрне нигә сайлавы, бөек остазлары турында сөйләде. Шулай ук күренекле театр артистлары белән очрашулары турында хатирәләре белән уртаклашты, тамашачыларның сорауларына җавап бирде, яраткан спектакльләреннән өзекләр тәкъдим итте, татар шагыйрьләренең шигырьләрен укыды.
К. Тинчурин театрының матбугат хезмәте
