Тинчурин театрында медицина хезмәткәрләре көне узды. Җитәкчелек вәкилләре залга җыелган хезмәттәшләрен һөнәри бәйрәмнәре белән котлады. Эпидемиологик яктан авыр шартларда сынатмаулары, Гиппократ антына, үз эшләренә тугры калулары өчен рәхмәт сүзләрен җиткерделәр. Иң лаеклыларга тантаналы төстә мактау грамотлары тапшырдылар. Табиблар артистлардан торган квартет башкаруында «Ак чәчәкләр» җырын тыңлап, соңрак «Гомер буе сине көтәм» спектаклен тамаша кылды.
Тинчурин театры матбугат үзәге
