Театрга яңа өстәлләр китергәннәр. Бушатырга кеше кирәк икән. Театрда яңа гына эшли башлаган бер кызга:
– Әнәскә әйт, ташып куйсын, – дигәннәр. (Сүз сәхнә эшчесе Әнәс турында бара.)
Ә теге кыз өлкән яшьтәге артист Әнәс Галиуллинга шалтыратып:
– Әнәс абый, сезгә өстәл ташырга куштылар, срочно килегез! – дигән.
Озакламый тирләп-пешеп Әнәс абый да килеп җиткән. Эшнең нидә икәнлеге беленгәч, рәхәтләнеп көлгәннәр, ди.
