Режиссер, педагог, ТАССРның атказанган сәнгать эшлеклесе, Габдулла Тукай исемендәге Дәүләт премиясе лауреаты, театрыбызда 1963-1985 елларда баш режиссер булып эшләгән Равил Тумашевның кызы Ләйсән Габделхакова (Тумашева). Вакытсыз безнең арадан китеп барды. Кәрим Тинчурин исемендәге татар дәүләт драма театры коллективы туганнары һәм якыннарының авыр кайгысын уртаклаша.
Габделхакова (Тумашева) Ләйсән Равил кызы, 25.09.1954, Казан шәһәре. 1976 елда Казан (Идел буе) федераль университетын уңышлы тәмамлаганнан соң: рус теле һәм тел белеме кафедрасы аспиранты (1976-1981), ассистент, доцент (1988-2007), рус теле һәм тел белеме тарихы кафедрасы мөдире (2007-2011), рус теле һәм славян тел белеме тарихы кафедрасы мөдире (2011-2013), рус теле һәм укыту методикасы профессоры (2013-2015). 2015 елның сентябреннән рус теле һәм гамәли лингвистика кафедрасы профессоры. Укыту эшчәнлеге чорында тарихи-лингвистик цикл фәннәрен укыта: иске славян теле, рус теленең тарихи грамматикасы, рус әдәби теле тарихы, рус әдәби теленең грамматик нормалары тарихы буенча махсус курслар, рус телендәге деепричастьеләр категориясе тарихы һәм башкалар. Рус теле тарихы мәсьәләләренә багышланган кандидатлык диссертацияләрен уңышлы яклаган аспирантларга җитәкчелек итә (А.Ф.Сәгыйтов, КФУ, 2016; М.Ф.Кыямова, КФУ, 2017). Даими рәвештә Россия (Мәскәү, Санкт-Петербург, Казан, Калининград, Петрозаводск, Саратов һ.б.) һәм чит илләрдәге (Будапешт, Варна, Загреб, Краков, Познань, Прешов, Рига, Рим) халыкара фәнни конференцияләрдә катнаша. Россия Федерациясе Атказанган фән эшлеклесе профессор В. М. Марковның 85 еллыгына багышланган «Русский язык:: функционирование и развитие» (Казан, 2012) халыкара фәнни конференцияне оештыруда һәм уздыруда зур өлешен кертә. 2007-2011 елларда КФУ филология факультетының Гыйльми советы әгъзасы, 2013-2017 елларда КФУ кысаларында докторлык һәм кандидатлык диссертацияләрен яклау советы рәисе булып эшли. 2010 елда Россиянең югары һөнәри белем бирү мактаулы хезмәткәре исеменә лаек була.
Авыр туфрагыгыз җиңел булсын Ләйсән Равилевна!
