25 гыйнварда Тинчурин театрында «Синең хакта…» театраль концерт үтте. Әлеге чара – татар халкына багышлау-концерты – танылган, барыбыз да яраткан җырлар аша татар музыка мәдәниятенең, шуның белән бергә бөтен татар халкының 1910 нчы елдан алып бүгенге көнгә кадәр булган үсеш-үзгәрешен тасвирлады.
«Әллүки»дән Ittifaq’ка кадәр. Әлеге концертка музыкаль әсәрләр «ХХ гасырның 100 татар җыры» проекты нигезендә сайланды. Җырларны Россиянең атказанган, Татарстанның халык артисты Зөфәр Харисов, Татарстанның халык артисты Рамил Минханов, Татарстанның атказанган артистлары Гөлчәчәк Хафизова, Гүзәл Гайнуллина, Зөлфәт Закиров, театрыбызның талантлы артистлары Илнур Байназаров, Резедә Сәләхова, Артем Пискунов, Салават Хәбибуллин, Булат Зиннәтуллин, Айдар Фәтхрахманов, Гүзәл Галиуллина, Альбина Гашигуллина, Лилия Камалиева, Әдилә Хәсәнова, Илмас Нәсретдинов башкарды. Концерт режиссеры – Камил Гатауллин.
