16 мартта Кәрим Тинчурин исемендәге Татар дәүләт драма һәм комедия театры үзенең Мәскәүдәге традицион гастрольләрен башлап җибәрде. Шул уңайдан театрның директоры Татарстанның атказанган мәдәният хезмәткәре Фәнис Наил улы Мөсәгыйтов Татарстан Республикасы Премьер-министры урынбасары – Татарстан Республикасының Россия Федерациясендәге тулы вәкаләтле вәкиле Равил Әхмәтшин белән очрашты. Җылы әңгәмә барышында Равил Кәлимулла улы Тинчурин театры коллективына зур иҗади уңышлар теләде һәм истәлекле бүләкләрен дә тапшырды.
Кичә тамашачыларга “Мәдинә” спектакле тәкъдим ителде. Бүген репертуардагы иң популяр сәхнә әсәре “Кияү урлау” күрсәтеләчәк.
Тинчурин театры матбугат үзәге
