“Синең хакта…” дип исемләнгән татар халкына багышлау-концерты танылган, барыбыз да яраткан җырлар аша татар музыка мәдәниятенең, шуның белән бергә бөтен татар халкының 1910 нчы елдан алып бүгенге көнгә кадәр булган үсеш-үзгәрешен тасвирлаячак.
Тамашачылар Тинчурин театрының яраткан актерлары белән бергә татар җыры һәм музыкасы тарихына чумачаклар.
Концертта Тинчурин театры артистлары халкыбызның яраткан җырларын башкарачак.
Концерт өчен җырлар «XX гасырның 100 татар җыры» проекты нигезендә сайлап алынды.
Концертның премьерасы 2024 елның 25 гыйнварында булды.
Режиссеры — Камил Гатауллин, ут буенча рәссамы — Илдар Шакиров, хормейстеры — Алия Хәмзина, музыкаль бизәлеше, дирижеры — Ильяс Камал.
Концертта Зөфәр Харисов, Рамил Минханов, Гөлчәчәк Хафизова, Гүзәл Гайнуллина, Зөлфәт Закиров, Илнур Байназаров, Резедә Сәләхова, Артем Пискунов, Альбина Гашигуллина, Гүзәл Галиуллина, Әдилә Хәсәнова, Айдар Фәтхрахманов, Салават Хәбибуллин, Эдуард Никитин, Булат Зиннәтуллин, Лилия Камалиева, Илмас Насретдинов катнаша.
Концертта театр оркестры катнаша.
Билетлар:
