Театр ул – тормыш, театр ул – яшәеш!

Экскурсия барышында катнашучылар театрның бай тарихы һәм бөек драматург, талантлы артист, күренекле режиссер, татар театрына нигез салучыларның берсе Кәрим Гали улы Тинчуринның тормыш юлы, иҗаты белән дә таныша алачаклар.

Экскурсия вакытында бутафор һәм тегү цехы хезмәткәрләре үз һөнәрләренең серләре белән уртаклашачак. Чара барышында артистларның грим бүлмәләрен, кызыклы костюмнар һәм баш киемнәре саклана торган костюмнар цехын күрү мөмкинлеге бар. Шулай ук экскурсия барышында чарада катнашучылар кунак бүлмәсе, тамаша залы, сәхнә һәм сәхнә арты  серләре белән дә танышачак.