Таһир-Зөһрә

Еллар үтәр… Йортлар, илләр күчәр…

 Тугайларны кискән сулар күчәр, –

 Онытылыр безнең исемнәр…

Онытылмый мәнге сөйләнерләр

Таһир белән Зөһрә – мескеннәр…

Бер-берсен өзелеп сөйгән Таһир белән Зөһрә мәхәббәте хан тәхете (козгыннары) корбанына әверелә. Сөюе хакына үз иленнән, тәхетеннән баш тартырга да әзер Зөһрә сарай эченә бикләнсә, ватан өчен яулар җиңеп кайткан Таһир үз иленнән сөрелә. Ике гашыйкны еллар, юллар аерса да сөю хисе мәхәббәтләренә (бер-берсенә) тугры калдыра.

Бик күп корбаннар таләп иткән тетрәндергеч сөю тарихы беркемне дә ваемсыз калдыра алмый. Таһир белән Зөһрә риваяте моннан бик күп еллар элек язылса да бүгенге көндә дә актуальлеген югалтмый.

Әлеге әсәр һәрбер кешенең күңелендә сакланып килгән сөю хисенең тылсымлы көченә ышандыра.

Спектакльне Альбина Сираева алып бара.

Спектакльнең премьерасы 2024 елның  5 сентябрендә була.

Автор – Фәтхи Бурнаш

Пьесаны рус теленә тәрҗемә итүче – Рәйханә Хәкимова.