Бүген, 2 июнь көнне, К. Тинчурин театрында балалар өчен квест- уен күрсәтелде.
Квест – уен “Әйдә, йөгердек!” К.Тинчурин театрының 90 еллыгына багышланган. Балалар театр тематикасына төрле табышмакларны чиштеләр.
Уен театрның төрле мәйданчыкларында (фойе, театр музее һ.б.) үткәрелде.
Квест – уен һәр балага төрле амплуаларда булырга мөмкинлек бирә. Берникадәр вакыт эчендә бала сынауларны өзлексез уза, табышмаклар һәм ребуслар чишә, бу аның акыл сәләте үсешенә уңай йогынты ясый: фикерләү һәм хәтер үсеше, күзаллау яхшыра, шәхси сыйфатлар үсә, җиңүгә ихтыяр һәм мотивация үсә.
Квест авторы: Шамил Фәрхетдинов
Квест режиссеры: Илсур Мортаза
