24 апрельдә Тинчурин тетрында өченче «Театраль квиз» узды. Чарада Казан дәүләт энергетика университеты, Казан дәүләт аграр университеты, Казан медицина көллияте, Казан педагогика көллияте, И.В.Әүһәдиев исемендәге Казан музыка көллияте студентлары катнашты.
Уенны Татарстанның халык артисты Сәкинә Минханова һәм Татарстанның атказанган артисты Зөлфия Зарипова бәяләде. Чараны Тинчурин театры артисты Айдар Фәтхрахманов һәм Гөлназ Гыймадиева алып барды.
Җиңүчеләргә Тинчурин театры һәм иганәчеләребез — «Мир» кинотеатры, «Хәзинә» милли сәнгать галереясе һәм Татар халкының көнкүреш музееннан шәп бүләкләр тапшырылды. Киләсе «Театраль квиз» майда узачак, вакытын соңрак хәбәр итәрбез.
