«Флешка, рэп һәм мәхәббәт» спектакленең премьерасы алдыннан театрга бер төркем блогерлар килде.
Чара вакытында театрыбызның әдәби бүлек мөдире Гөлназ Бәдретдин экскурсия уздырды. Катнашучылар Салих Сәйдәшев иҗат иткән кабинетны, Тинчурин театрын С.Сәйдәшев музее белән тоташтыра торган коридорның кайда икәнен күрде. Кәрим Тинчуринның тормышы һәм иҗаты белән танышты, интерактив видеоролик карады.
Шулай ук кунаклар театрыбызның баш режиссеры Туфан Имаметдинов белән танышты һәм «Флешка, рэп һәм мәхәббәт» спектакленең премьерасын карады.
