К.Тинчурин театрында үзенчәлекле премьера. Кичә, 10 март көнне Шамил Фәрхетдиновның “Татар теле-сәхнә теле” спектакль-дәресе булды. Автор әйтүе буенча:”45 минут эчендә әлеге спектакль-дәрес ярдәмендә тулысынча татар телен өйрәнеп бетереп булмый, әлбәттә. Ләкин Ана теленә мәхәббәт уятуның орлыгын салып була. Безнең төп максат шунда!”
Спектакль-дәреснең премьерасы уңыш белән үтте. Куючы режиссер Камил Гатауллин үзенчәлекле алымнар белән мавыктыргыч итеп куйган. Чын мәгънәсендә дәрес тә алып була, күңел ачырлык урын да бар. Иң мөһиме, монда нәрсә дөрес, нәрсә килешеп бетми икәнлеге ачып бирелә. Татар театр сәнгате нинди матур хәзинә икәнлеге дә күрсәтелә.
Әлеге спектакль белән мәктәпләргә килергә исәплибез, күрешербез, кадерле Тамашачыларыбыз!
