1500 кешедән артык катнашучы арасында өч җиңүче билгеләнде.
13 ноябрьдә К.Тинчурин исемендәге Татар дәүләт драма һәм комедия театрында гаилә һәм мәктәп театрларының «Гаилә тарихы», «Театрның яше юк» I Республика фестиваль-конкурсында уйнатылган бүләкләрне ияләренә тапшырдылар.
Исегезгә төшерәбез, бүләкләр уйнатуда мәктәп һәм гаилә театрлары фестиваленең җанатарлары һәм катнашучылары — 1500дән артык кеше катнашты. Җиңүчеләр исемнәре 2 ноябрьдә, фестиваль гала-концертында, игълан ителде.
Смартфоннарга Камилә Әхмәдуллина, Салават Галәветдинов һәм Фәнгиз Фәттәров лаек булды. Җиңүчеләргә бүләкләрне К.Тинчурин исемендәге Татар дәүләт драма һәм комедия театры директоры Фәнис Мөсәгыйтов тапшырды.
