Кичә Кәрим Тинчурин исемендәге татар Дәүләт драма һәм комедия театрында татар телендә ачык экскурсия узды. Ул татар драматургы Кәрим Тинчуринның тормышыннан кызыклы фактлар белән танышудан башланды. Кунакларга театрга нигез салучының тарихи экспонатлары, шәхси әйберләре, кулъязмалары һәм архив документларын күрсәттеләр.
Шулай ук, театрда легендар куелышлар турында сөйләделәр. Экскурсия вакытында катнашучылар сәхнә, грим һәм бутафор бүлмәсенә сәяхәт кылды. Экскурсияне Рәйсә Борһаниева уздырды.
