28 нче май К.Тинчурин исемендәге Татар дәүләт драма һәм комедия театрында мөмкинлекләре чикләнгән балалар өчен “Могҗиза” студиясенең чираттагы ачык дәресе узды. Әлеге кичә Балаларны яклау көне уңаеннан үткәрелде һәм, әлбәттә, нәни дусларыбызның чыгышларыннан соң бүләкләү тантанасы да булды. Балаларның зур уңышларга ирешүендә, түгәрәкнең сәнгать җитәкчеләре – Россиянең атказанган, Татарстанның халык артисты Зөфәр Харисов һәм яшь талантлы артистыбыз Салават Хәбибуллинның өлеше бик зур.
