19 нчы апрельдә Кәрим Тинчурин исемендәге Татар дәүләт драма һәм комедия театрының кунак бүлмәсендә профессор, филология фәннәре докторы Әлфәт Мәгъсум улы Закирҗанов “Драма әсәрләре һәм аларның сәхнәдәге гәүдәләнеше” дигән темага лекция-әңгәмә үткәрде.
Очрашу театр журналистлары клубы кысаларында узды.
Әлеге очрашуда Казан(Идел буе) Федераль Университетының милли һәм глобаль медиа чаралар кафедрасы студентлары катнашты. К.Тинчурин театрындагы әлеге очрашулар студентларның сәнгатьтәге белемнәрен һәм зәвыкларын арттыра, театр дөньясына якынайта, киләчәктә булачак журналистларга профессиональ юнәлеш сайлауда булыша.
Театр журналистлары Клубы К.Тинчурин театры каршында театр тормышын яктыртучы журналистлар тәрбияләү йөзеннән оештырылды. Аңа нигез салучы булып К.Тинчурин театрының директоры, Татарстанның атказанган мәдәният хезмәткәре Фәнис Наил улы Мөсәгыйтов тора.
К.Тинчурин театрында Театр журналистлар клубы үзенең эшчәнлеген дәвам итә
