Театр ул – тормыш, театр ул – яшәеш!

Экскурсиягә килүче тамашачы театрның бай тарихы һәм бөек драматург, талантлы артист, күренекле режиссер, татар театрына нигез салучыларның берсе Кәрим Гали улы Тинчуринның тормыш юлы, иҗаты белән таныша алачак.

Экскурсия барышында кунак бүлмәсе, тамаша залы, сәхнә һәм сәхнә арты серләре белән танышу көтелә.

Шулай ук экскурсия вакытында бутафор һәм тегү цехы хезмәткәрләре үз һөнәрләренең серләре белән уртаклашачак, артистларның грим бүлмәләрен, кызыклы костюмнар һәм баш киемнәре саклана торган костюмнар цехын күрү мөмкинлеге дә бар.