26 нчы март, балаларны театрыбыз хезмәткәрләре сәнгать дөньясының нечкәлекләре белән таныштырды: баш администратор Зөлфия Бәшәрова сәхнә арты серләрен ачты, реквизит бүлеге мөдире, Татарстанның атказанган мәдәният хезмәткәре Самат Вәлитов реквизитлар белән таныштырып узды, ә бутафор бүлеге мөдире Вәлеева Әлфия аларның ничек итеп ясалулары турында сөйләде. Костюмнар бүлеге мөдире Выборнова Юлия спектакльләр өчен тегелгән костюмнарның кайда һәм ничек саклануын, постижер бүлеге мөдире Фәйзетдинова Кадрия гримм салу серләре белән уртаклашты. Кызыклы сәяхәттән балалар канәгать калды, театр тормышы белән таныштырулары өчен зур рәхмәтләрен җиткерделәр.
