Ядәч! Исемдә! Бер гаилә трагикомедиясе

Ядәч! Без барыбыз да балачак иленнән. Могҗизалар иле ул. Анда аңлаешсыз да, бик кызык та, куркыныч та. Балачакта вакыт агышы да бөтенләй башка… Исемдә! Балачак уенындагы кебек монда: гел истә тотарга кирәк. Бер мизгелгә генә онытасың — һәм отылдың. Хатирәләр — бер йотым терек суы. Хәтерләү — үз нәселеңнең буыны булу. Без чорларны аркылыга-буйга гизә белмибез, әмма театрда кая телисең шунда сәфәр чыгып була! 1980-90 нчы еллар Казанында калган балачак буйлап сәяхәт итәргә килегез.

Спектакльнең премьерасы 2021 елның 2 декабрендә булды.