ХӘКИМҖАНОВА ЗӨЛӘЙХА РАФЫЙК КЫЗЫ

Туу урыны

Зөләйха Рафыйк кызы Хәкимҗанова 1950 елның 30 июнендә Әстерхән өлкәсе Нариман районы, Осиный бугор авылында туа.

Мактаулы исемнәр һәм бүләкләр

ТАССР Мәдәният министрлыгының Мактау грамотасы (1983)

ТАССРның атказанган артисты (1988)

Татарстан Республикасының халык артисты (2003)

"Казанның 1000 еллыгы истәлегенә" медале (2005)

"Татарстан Республикасы Профсоюз хәрәкәте алдындагы казанышлары өчен" күкрәк билгесе (2007)

Татарстан Республикасы Мәдәният министрлыгының “Мәдәнияттәге казанышлары өчен” күкрәк билгесе (2008)

Татарстан Республикасының “Фидакарь хезмәте өчен” медале (2020)

"Габдулла Тукайның тууына - 135 ел" истәлекле билгесе (2021)

Белем

З.Р. Хәкимҗанова 1966 нчы елда Әстерхан "Татар халык театры"нда эшли башлый, шул ук вакытта читтән торып, Әстерхан мәдәни-агарту училищесында белем ала.

К. Тинчурин театрында

Әстерхан Татар халык театрында эшләгән дәвердә, "Театр язы" фестивалендә бик күп җиңүләр яулаган Татарстанның халык артисткасы Зөләйха Хәкимҗанова, 1974 нче елда элеккеге Республика Күчмә - бүгенге К.Тинчурин исемендәге Татар дәүләт драма һәм комедия театрына эшкә килә. Театрда беренче эше К.Гольдони әсәре буенча куелган "Ике хуҗаның хезмәтчесе" спектаклендә Джакомо роле була.