Кечкенә Мирза

«Кечкенә Мирза» — Антуан де Сент-Экзюпериның бөек «Нәни Принц» әсәре белән илһамланудан туган спектакль.

Әти-әнисе көндәлек мәшәкатьләрдән арынмаган, ә бабасы үз бүлмәсендә тыныч кына яшәгән гади бер гаиләдә Мирза исемле малай могҗизага юл таба. Бабасы сөйләгән сүзләр гаҗәеп сәяхәткә әйләнә: хәзер Мирза — Нәни принц, ә аның якыннары — бөтен нәрсәне йөрәк белән генә аңлап була торган эчке дөньясы геройларына әверелә.

«Кечкенә Мирза» — җитлегү, мәхәббәт һәм йөрәк белән күрә белү тарихларында чынбарлык һәм хыял үрелеп барган шигъри спектакль. Ул тере театрның драматик тирәнлеге белән клоунада поэзиясе кушылган, сүзләр тән музыкасы белән алышынган, битлекләр җанланган, ә яктылык җан сулышына әверелгән дөнья.

Режиссер Руслан Риманас

А.де Сент-Экзюпери

Инсценировка авторы Резеда Гобәева