Туу урыны
Ләлә Рафаэль кызы Миңнуллина 1952 елның 21 августында Татарстан Республикасының Казан шәһәрендә туа.
МИҢНУЛЛИНА ЛӘЛӘ РАФАИЛ КЫЗЫ
Мактаулы исемнәр һәм бүләкләр
ТАССРның атказанган артисты (1982)
Татарстан Республикасының халык артисты (1998)
Татарстан Республикасы Президентының Рәхмәт сүзе (2013)
Белем
Л.Р. Миңнуллина урта мәктәпне тәмамлаганнан соң, 1970 нче елда Казан театр училищесына укырга керә. Ул анда Хәким Сәлимҗанов, Марсель Сәлимҗанов, Шәхсәнәм Әсфәндиярова, Асия Хәйруллина, Анна Гацулина, Әлфия Айдарская һ.б. күренекле шәхесләрдән белем ала.
К. Тинчурин театрында
Татарстанның халык артисткасы Ләлә Миңнуллина Казан театр училищесын уңышлы тәмамлаганнан соң, 1974 нче елда элеккеге Республика Күчмә - бүгенге К.Тинчурин исемендәге Татар дәүләт драма һәм комедия театрына эшкә чакырыла. 2013 нче елда ул фидакарь хезмәте өчен "Таяныч һәм авторитет" номинациясендә Татарстан Республикасы Хөкүмәте грантына ия була.
