ГАЙНУЛЛИНА ГҮЗӘЛ ХӨСӘЕН КЫЗЫ

Туу урыны

Гүзәл Хөсәен кызы Гайнуллина 1976 елның 21 сентябрендә Татарстан Республикасының Сарман районы, Сарман авылында туа.

Мактаулы исемнәр һәм бүләкләр

Татарстан Республикасының атказанган артисты (2018)

Мәдәният хезмәткәрләре татар республика профсоюз комитетының Мактау грамотасы (2018)

Бөтендөнья татар конгрессының Рәхмәт хаты (2023)

Белем

Г.Х. Гайнуллина, урта мәктәпне тәмамлаганнан соң, 1993-1998 нче елларда Казан дәүләт мәдәният һәм сәнгать академиясенең (хәзер институт) К.Тинчурин исемендәге Татар дәүләт драма һәм комедия театры өчен тупланган махсус студиядә белем ала. 1997 нче елда Ф.Г. Лорканың "Канлы туй" спектакле белән "Подиум-1997" театр мәктәпләре Халыкара фестивалендә катнаша (Мәскәү).

К. Тинчурин театрында

Татарстанның атказанган артисткасы Гүзәл Гайнуллина 1998 нче елда К.Тинчурин исемендәге Татар дәүләт драма һәм комедия театрына эшкә чакырыла. Казан дәүләт мәдәният һәм сәнгать академиясендә укыган чакта ук, театрда барган спектакльләрдә актив катнаша.