Алмаз Фәтхуллинның 50 яшьлек юбилеена багышланган «Казан егетләре» бенефис-спектакле күрсәтелде

Алмаз Фәтхуллинның 50 яшьлек юбилеена багышланган «Казан егетләре» бенефис-спектакле күрсәтелде

26 сентябрьдә Кәрим Тинчурин исемендәге Татар дәүләт драма һәм комедия театрында Татарстанның атказанган артисты Алмаз Фәтхуллинның 50 яшьлек юбилее уңаеннан Мансур Гыйләҗев әсәре буенча куелган «Казан егетләре» бенефис-спектакле күрсәтелде. Спектакльнең режиссеры – Айдар Җаббаров.

Спектакль алдыннан Алмаз Фәтхуллин күпсанлы котлаулар һәм бүләкләр кабул итте. Котлауларны Татарстан Республикасы Мәдәният министры урынбасары Ленар Хәкимҗанов, Татарстан Республикасы каршындагы мәдәниятне үстерүгә ярдәм фондының башкарма директоры Нурия Һашимова, Татарстан Республикасы Дәүләт Советы депутаты Нәҗип Хаҗипов, Теләче муниципаль районы башлыгы Айрат Фәтхуллин, шулай ук театр әһелләре, хезмәттәшләре, курсташлары, якыннары һәм яраткан тамашачылары җиткерде.