«Яшик әле!» — Шәмсия Җиһангированың иҗат кичәсе

Шигърият һәм җыр сөючеләрне Шәмсия Җиһангированың «Яшик әле!» дип исемләнгән иҗат кичәсенә чакырабыз!

Бу очрашуда шагыйрәнең күңелләргә якын шигырьләре һәм танылган эстрада җырчылары башкаруында җырлар яңгыраячак. Туган җиргә мәхәббәт, яшәү яме, сагыну һәм өмет хисләре белән сугарылган иҗат тамашачыларны җылы, ихлас әңгәмәгә дәшә.

Сагынылган күрешү, шигъри сүз һәм моңлы җырлар күңелләрегезгә яктылык өстәсен!