Хан кызы Турандык

2 сәг 20 минут

Музыкаль трагикомедия

12+

“Хан кызы Турандык” – Алтын хан (Альтоум) идарә иткән вакытта Кытайда яшәгән рәхимсез хан кызы Турандык (Турандот) турындагы спектакль. Император указы буенча, Турандыкның кулын сорап килгән һәр кеше дә кызның өч табышмагына җавап табарга тиеш. Юкса, ярәшергә килгән егетне үлем җәзасы көтә. Әмма Турандыкның матурлыгы белән сихерләнгән нугай татары шаһзадәсе Халәфне (Калаф) үлем җәзасы куркытмый. Ул аның мәхәббәтен яуларга карар кыла…

“Хан кызы Турандык” спектакле итальян драматургы Карло Гоцциның “Турандот” әсәре нигезендә Кәрим Тинчуринның ирекле тәрҗемәсе буенча куелды. “Хан кызы Турандык” пьесасы Кәрим Тинчурин тәрҗемәсендә беренче тапкыр 1918 елда сәхнәләштерелә. Ул вакытта Турандотның йөрәген яулап алырга омтылган Халәф ролен Кәрим Тинчурин үзе башкара. Икенче тапкыр Тинчурин тәрҗемәсендә “Хан кызы Турандык” әсәре “Әкият” курчак театры сәхнәсендә 1980 елда “Хан кызы” исеме астында куела. 2022 елгы куелыш исә татар театрына нигез салучыларның берсе, күренекле драматург Кәрим Тинчуринның тууына 135 ел тулуга багышлана.

Автор — Кәрим Тинчурин (Карло Гоцци әсәре буенча)

Әдәби мөхәррирләре — ХАФИЗОВ ИЛФАК, Сәрдәр Таһировский

Режиссер — Сәрдәр ТАҺИРОВСКИЙ (Венгрия)

Рәссам — Анна-Мария КУПАС (Венгрия)

Композитор — Бакк-Давид ЛАСЗЛО (Венгрия)

Хореограф — Марсель НУРИЕВ

Ут кую буенча рәссам — ШАКИРОВ ИЛДАР

Әсәрне рус теленә тәрҗемә итүче — БӘДРЕТДИНОВА ГӨЛНАЗ

Рәссам-дизайнер — Әхиярова Рәмзилә

Хормейстер — ХӘМЗИНА АЛИЯ

Алтын хан — ХАРИСОВ ЗӨФӘР

Турандык — ХӘСӘНОВА ӘДИЛӘ