Ашина

Без иптәш Сталинны кылган эшләре өчен каһәрләп дөрес эшлибез. Ә шулай да әйтегез әле, дүрт миллион доносны кем язган?

Сергей Довлатов.

Төркиләрнең риваятьләре буенча, Ашина – әнисе үлгән малайны имезеп үстереп, нәселне, ыруны коткарган ана бүре. Тормыш кешене һәрчак сайлау алдына куя. Тик һәр карарың өчен кайчан да булса җавап бирергә туры киләчәк. “Ашина” спектаклендәге вакыйгалар тиздән су астында калачак утрауда бара. Геройларның үзара мөнәсәбәтләре катлаулы. Алар еллар буе үзләренең хисләрен күңелнең тирән чоңгылларына яшереп, ә кайберләре көнчелек һәм мәкерлекләрен күрсәтми яши. Еллар буе күңел түрендә яшереп килгән серләре бүген ачылачак.