array(0) { }
Ашина
2 сәгать 10 минут
Драма
12+

Без иптәш Сталинны кылган эшләре өчен каргап, каһәрләп туя алмыйбыз.

Шулай да минем дүрт миллион әләкне кем язганын сорыйсым килә.

Сергей Довлатов.

Төркиләрнең риваятьләре буенча, Ашина – әнисе үлгән малайны имезеп үстереп, нәселне, ыруны коткарган ана бүре.

“Ашина” спекактакле ГЭС төзелешләре вакытында басу-кырларның су астында калуы турында. Вакыйгалар 1950 елларда Чулман елгасының бер кечкенә утравында бара. Тиздән бу урын да су астында калачак. Утрауга печән җыярга килгән геройларның үзара мөнәсәбәтләре дә катлаулы. Алар еллар буе үзләренең хисләрен күңелнең тирән чоңгылларына яшереп, ә кайберләре көнчелек һәм мәкерлекләрен күрсәтми яши. Геройларның тормышы риваять һәм җырлар белән үрелеп бара. Ләкин аларны фаҗигале финал көтә – утрау да, андагы кешеләр дә су астында кала.

“Ашина” спектакле төрле яшьтәге тамашачылар өчен кызыклы. Чөнки Кеше һәрвакыт төрле хәлләргә эләгә һәм нәрсәдер эшләр алдыннан сайлау алдында кала. Әле кыласы гамәлләр дә әхлакый яктан каршылыклы була. Кеше әзер әхлак кануннары белән тумый, ул тормышта үзен-үзе формалаштыра. Тормышта әхлаклы булып яшәргәме, әллә юкмы икәнен Кеше бары тик үзе хәл итә һәм моңа үзе генә җавап бирә. Ахыр чиктә кем гаепле? Кеше үзе гаепле!

Билетлар:

Автор — Ркаил Зәйдулла
Режиссер — Илсур Казакбаев
Рәссам — Сулпан Азаматова
Хореограф — Ольга Даукаева
Ут кую буенча рәссам — ШАКИРОВ ИЛДАР
Әсәрне рус теленә тәрҗемә итүче — БӘДРЕТДИНОВА ГӨЛНАЗ
Ибраһим — ЗАКИРОВ ЗӨЛФӘТ
Сәхәү — ХАФИЗОВ ИЛФАК
НКВДшник — ПИСКУНОВ АРТЕМ