Тинчурин театрында милли театрлар режиссерлары лабораториясе үз эшен башлап җибәрде

Лабораториягә театрының баш режиссеры Айдар Җаббаров җитәкчелек итә. Лабораториянең темасы — «Режиссерның проза өстендә эшләве». Әлеге әһәмиятле проект Россиянең милли театрларында эшләүче режиссерларның һөнәри үсешенә юнәлдерелгән һәм проза әсәрләрен сәхнәләштерү өлкәсендә осталыкны камилләштерүне максат итә. Чара Россия Федерациясенең Театр әһелләре берлеге инициативасы белән үткәрелә.