ГАРӘПШИНА ГҮЗӘЛ МӨДӘРРИС КЫЗЫ

Туу урыны

Гүзәл Мөдәррис кызы Гарәпшина 1966 елның 6 мартында Татарстан Республикасы Актаныш районы, Яңа Җиаш авылында туа.

Мактаулы исемнәр һәм бүләкләр

Татарстан Республикасының атказанган артисты (2003)

Татарстан Республикасы Мәдәният министрлыгының “Мәдәният өлкәсендәге казанышлары өчен” Күкрәк билгесе (2016)

Татарстан Республикасының “Фидакарь хезмәте өчен” медале (2023)

Белем

Г.М. Гарәпшина Яңа Богады урта мәктәбендә 8 нче сыйныфны тәмамлагач, 1981-1985 нче елларда Казан театр училищесында укый, 2005 нче елда Казан дәүләт мәдәният һәм сәнгать университетын (хәзер институт) тәмамлый.

К. Тинчурин театрында

Татарстанның атказанган артисткасы Гүзәл Гарәпшина, Казан театр училищесын тәмамлаганнан соң, 1985 нче елдан К.Тинчурин исемендәге Татар дәүләт драма һәм комедия театрында эшли, төрле пландагы рольләрне башкара.