«13 нче аудитория» проекты – Кәрим Тинчурин театры спектакльләрен карап, студентларны театр сәнгатенә җәлеп итә торган мәдәни-агарту чарасы.
Максаты:
– Яшьләрне театр белән таныштыру, аларның сәнгатькә һәм мәдәнияткә кызыксынуларын арттыру.
– Студентлар, актерлар һәм югары уку йортлары укытучылары арасында интеллектуаль диалог мәйданы төзү.
Форматы:
- Спектакль карау– студентлар Тинчурин театрында куелган спектакльне тамаша кыла.
- Эксперт белән бәхәс – спектакльне караганнан соң, югары уку йорты мөгаллиме, аның сәнгати үзенчәлекләре һәм социаль-мәдәни контексты аша анализлап, лекция-бәхәс үткәрә.
- Сорауларга җавап бирү – студентлар спектакль сюжетын, актерлар уенын һәм режиссер интерпретациясен тирәнрәк өйрәнә.
Көтелгән нәтиҗә:
– Яшьләрдә тәнкыйди фикерләү һәм эстетиканы тоемлау хисен үстерү.
– Театр белән мәгариф өлкәләре арасында бәйләнешне ныгыту.
– Театр сәнгатен студентлар арасында популярлаштыру.
Проект студентларга мәдәният өлкәсендә белем биреп кенә калмый, бер үк вакытта фикерли белүче яңа буын тамашачыларын формалаштырырга да ярдәм итә.