90 СЕЗОН

Проектлар

Алкыш

Лаборатория заманча һәм актуаль форматта татар телендә иҗат итүче милли драматургларыбызны барлау һәм театраль мәйданга тарту максатыннан оештырыла. Яңа формалар табу, жанрларга яңача караш – театр сәнгате өлкәсендә һәрчак мөһим даими процесс. Лаборатория шулай ук театрлар иҗатын яктыртучы яшь журналистларның һөнәри осталыгын үстерү бурычын үти.

Коллаборацион лаборатория-семинарын оештыручылар:

– ТРның Мәдәният министрлыгы;

– ДБО “К.Тинчурин исемендәге Татар дәүләт драма һәм комедия театры”;

– К.Тинчурин исемендәге Татар дәүләт драма һәм комедия театры каршындагы Татар драматургия үзәге.

Коллаборацион лаборатория-семинары партнерлары:

– ТР Президенты каршындагы мәдәниятне үстерүгә ярдәм фонды;

– ТР Театр әһелләре берлеге;

– ТР Язучылар берлеге;

– Казан дәүләт мәдәният институты.

Коллаборацион лаборатория-семинарының максатлары:

– ТР һәм Казан милли театрларының репертуарын тулыландыру максатыннан, татар телендәге сәхнә әсәрләрен барлау;

– яшь театр журналистларын, тәнкыйтьчеләрен, режиссерларын, сценографларын һәм композиторларын үстерү.

Коллаборацион лаборатория-семинарының бурычлары:

– татар телендә драма әсәрләрен язуга теләк уяту;

– иҗади бердәмлек булдыру максатыннан, авторлар, композиторлар, режиссерлар, сценографлар һәм яшь журналистларны бер мәйданга җыю;

– катнашучылар һәм театрның үсешен нәтиҗәле итү өчен “драматург – режиссер – композитор – сценограф – яшь журналист” иҗади берлеген булдыру;

– иҗади идеялар һәм уку программасын тормышка ашыру өчен яңа мәдәни-агарту мәйданчыкларын төзү;

– театр коллективларының репертуарын баету;

– драматурглар, режиссерлар, композиторлар, сценографлар, яшь журналистлар арасында профессиональ элемтәне ныгыту;

– яңа тамашачылар сафын арттыру.

Кәрим Тинчурин исемендәге Татар дәүләт драма һәм комедия театры “Укулар” дип аталган проект тәкъдим итә. Проект кысаларында, театр артистлары автор тәкъдим иткән әсәрне тамашачылар алдында күмәк укыячак. Соңыннан автор катнашында укылган әсәр буенча фикер алышу булачак. Пьеса укулар театр музеенда үтә. Әлеге проектның авторы театрыбызның музей мөдире, ТРның атказанган мәдәният хезмәткәре – Розалия Вәлиәхмәт кызы Чабатова.

Милли драматургия һәм театр журналистикасы буенча I “Алкыш” коллаборацион театраль лаборатория-семинары 2021 нче елның 26-29 нчы апрелендә узды.

Лаборатория-семинар кысаларында театраль эскизлар тәкъдим ителде. Иҗат төркемнәренең эшен бәяләделәр:

– театр тәнкыйтьчесе, “Алтын битлек” Россия милли театраль премиясе эксперты Н.Р. Игъламов;

– театр тәнкыйтьчесе,“Алтын битлек” Россия милли театраль премиясе экспертлар советы рәисе, Россиянең атказанган мәдәният хезмәткәре Т.Н. Тихоновец;

– Сәнгать белеме дәүләт институтының фәнни хезмәткәре, сәнгать фәннәре кандидаты, театр белгече һәм тәнкыйтьче, “Алтын битлек” Россия милли театраль премиясе эксперты Е.И. Рябова;

– театр белгече һәм тәнкыйтьче О.В. Кораблина;

– Россия Театр әһелләре берлеге үзәк аппаратының мәгълүмати-аналитик бүлеге җитәкчесе Ю.Т. Юдина;

– профессор, Филология фәннәре докторы Ә.М. Закирҗанов;

– театр белгече, Казан дәүләт мәдәният институты мөгаллиме Г.Н. Фәттахова.

Лаборатория-семинарның иҗат төркемнәре:

1. “Ашина” (драма). Автор – Р.Зәйдулла. Эскиз режиссёры – И.Нуриҗанов. Сценограф – А.Малых. Композитор – А.Сөнгатуллина. 

Артистлар: З.Харисов, И.Хәсәнов, З.Вәлиева, И.Хафизов, Х.Хөснетдинов.

2. “Балам-багалмам” (мелодрама). Автор – З.Хөснияр. Эскиз режиссёры – Л.Нурель. Сценограф – Ю.Олейник. Композитор – Л.Таһирова.

Артистлар: Р.Шәмсетдинов, З.Вәлиева, А.Фәтхуллин, Г.Хафизова, Г.Гайнуллина, З.Закиров, Л.Камалиева.

3. “Кияү урлау” (комедия). Автор – С.Юзеев. Эскиз режиссёры – Р.Саттарова. Сценограф – Л.Хөсәенова. Композитор – Г.Тимербулатова.

Артистлар: З.Харисов, Л.Мәхмүтова, И.Хафизов, З.Закиров, Б.Зиннәтуллин, С.Хәбибуллин. Л.Камалиева.

4. “Соңгы мираж” (романтик кыйсса). Автор – М.Гыйләҗев. Эскиз режиссёры – Л.Әхмәтова. Сценограф – Е.Горшкова. Композитор – Г.Закирова.

Артистлар: З.Харисов, С.Мифтахов, Р.Минханов, Р.Шәмсетдинов, И.Хафизов, Г.Нәүмәтова, А.Пискунов, Ил.Хафизов, И.Байназаров, Н.Шәехов (КТУ студенты). Күмәк күренешләрдә КТУ студентлары һәм театр артистлары катнаша.

5. “Янгын” (драма). Автор – З.Хәким. Эскиз режиссёры – Б.Минкин. Сценограф – Е.Горшкова. Композитор – А.Абдуллина.

Артистлар: Җ.Әсфәндьярова, А.Фәтхуллин, Х.Хөснетдинов, С.Хабибуллин,  Л.Камалиева, Э.Никитин.

29 нчы апрельдә ябылу тантанасы узды. Әлеге түгәрәк өстәлдә эскпертлар һәм оештыручылар лаборатория-семинар эшчәнлегенә нәтиҗә ясады, катнашучыларга сертификатлар һәм статуэткалар тапшырылды.