Тинчурин театры «У Троицы» халыкара театр фестивалендә катнашты. Театрыбыз 8 июньдә 19:00 сәгатьтә Сергиев Посад шәһәрендә «Театральный ковчег» драма театрының төп сәхнәсендә «Ашина» спектаклен (авторы – Ркаил Зәйдулла, режиссеры – Илсур Казакбаев) тәкъдим итте.
Искәртеп узыйк, 6-16 июньдә Сергиев Посад шәһәрендә «У Троицы» халыкара театр фестивале уза. Чарада ике атнага якын үз спектакльләрен Балашов, Бишкәк, Буа, Владимир, Воркута, Донецк, Истра, Казан, Кострома, Липецк, Мәскәү, Мытищи, Пенза, Пермь, Элиста, Чиләбе коллективлары күрсәтәчәк.
