Тинчурин театрының яшь артисты Фәрһад Мөхәммәтҗанов «Ядәч! Исемдә!» спектаклендәге Сәрдәр роле өчен «Дебют» номинациясендә «Тантана» премиясенә лаек булды.
«Тантана» премиясен тапшыру тантанасы Чаллы татар дәүләт театрында узды. Актерга «Тантана» театр премиясе сынын спортчы Антон Шабалов тапшырды. Премияне театр директоры Фәнис Мөсәгыйтов кабул итеп алды. Чөнки актер спектакль уйный иде.
“Тантана” бәйгесен йомгаклау чарасында Тинчурин театры артисты, Татарстанның халык артисты Ләлә Миңнуллинага Татарстан мәдәният министрлыгы махсус премиясе тапшырылды.
Шулай ук Тинчурин театры баш дирижеры, театр оркестрының сәнгать җитәкчесе Ильяс Камал Җиһанов исемендәге Казан консерваториясе бүләгенә лаек булды.
Тинчурин театры матбугат үзәге
