Яз бәйрәме уңаеннан сезне зәвыклы очрашу-лекциягә чакырабыз. Чара бушлай, әмма анда катнашу өчен 8 марттан соң узучы спектакльләргә билет күрсәтү генә кирәк.
8 март 11:00
Тинчурин театрының фойесы
Тема: “Хатын-кызлар: тормышта, сәхнәдә…”
Лекцияне әдәбият галиме, тәнкыйтьче, филология фәннәре кандидаты Миләүшә Хәбетдинова үткәрә. Ә Миләүшә ханымны белгән кешеләр бер тавыштан:
ул берәр тема күтәрсә, димәк, бу, һичшиксез, чын сенсация булачак,
дияр иде.
Бу очрашуда без хатын-кызны чынлап бәяли белгән ир-атлар турында ишетәчәкбез.
Программада:
— җылы, зәвыклы мохит
— илһамландыручы тарихлар
— һәр килгән хатын-кызга бүләк
️Урыннар саны — нибары 25 кеше. Шуңа регистрация бик тиз ябылырга мөмкин, чарага хәзер үк теркәл)
Бу очрашу — тарих, мәхәббәт, сәхнә һәм хатын-кызлар турында тере сөйләшү.
