Театрыбызда 26 апрель — Туган тел көне һәм Габдулла Тукайның тууына 139 ел тулуга багышланган «Интеллектуаль уен» узды.
Уенны филология фәннәре кандидаты, Казан федераль университет доценты, Габдулла Тукай әдәби музее җитәкчесе Гүзәл Төхвәтова һәм Татарстанның атказанган сәнгать эшлеклесе, Татарстан Фәннәр академиясе Татар энциклопедиясе һәм төбәкне өйрәнү институты директоры Эльмира Галимова бәяләде. Чараны Тинчурин театры артисты Айдар Фәтхрахманов һәм Гөлназ Гыймадиева алып барды.
Уенда «Идел» яшьләр үзәге хезмәткәрләре, КФУ, Казан медицина көллияте студентлары һәм театрыбызның тугры тамашачылары катнашты.
Җиңүчеләргә Тинчурин театры һәм иганәчеләребез — Габдулла Тукай музее, Татар энциклопедиясе һәм төбәкне өйрәнү институты, «Хәзинә» милли сәнгать галереясе, «Tatarica. Татар энциклопедиясе» – мультимедиалы универсаль интернет-ресурсы һәм сәүдәгәр Муллин музей-йортыннан бүләкләр тапшырылды.
Фотолар биредә.
Чарадан алган хис-кичерешләр катнашучыларның күңелендә әле озак сакланыр.
