Әлеге тантанада Ватанны саклаучылар елы һәм Бөек Җиңүнең 80 еллыгын бәйрәм итү уңаеннан оештырылды.
Чарада Татарстан районнарыннан һәм Казан шәһәреннән Бөек Ватан сугышы ветераннары, тыл хезмәтчәннәре, сугыш чоры балалары һәм Махсус хәрби операциядә катнашучыларның якыннары катнашты.
Кунакларны театр фойесында ипи-тоз белән каршы алдылар, театр музее белән таныштырдылар. Катнашучыларны сәхнәдән Татарстанның атказанган артисты Ирек Хафизов сәламләде.
Бәйрәм уңаеннан кунаклар игътибарына театрыбызда зур уңыш белән бара торган Илгиз Зәйниевнең «Туган-тумача» спектакле күрсәтелде.
